كبابيش بلا حدود

مرحبتين حبابــك والف مــرة حبـــــاب
في دار الكبـــابيــش نبقى نحــن احباب
اخير نتلــــــم هســع دابنـــــا لسـه شباب
الاقدار بتقدر والموت داكو خلف الباب
( الشوالي )

مظلة واسعة البراح


مسدار الكبابيش ود الديم

شاطر

ود الديم

عدد المساهمات : 4
تاريخ التسجيل : 27/12/2014

مسدار الكبابيش ود الديم

مُساهمة من طرف ود الديم في السبت ديسمبر 27, 2014 5:29 am

كبابيش الطمح فيضهن رجاله وخوه..
ثابتين فى العراك عزه وفراسه وقوه..
الدار الحديت بديك كلام من جوه..
لاتلاوى الجبل برميكا بطن الهوه..
......
ديل فرسان عرب اسياد بوادى مروه..
سياد المكرمه ماناس كلام او عوه..
ذى برق الشرق الوقى ليلو وضوه..
كرمهم فاق قريش ماشين سماحه وسوه..
........
سلام كباشى حر اهل الدرق والسيف..
اهل السمته والموت الصبح قرييف..
اهلى المنهن خاف وفرا اب نيف..
ذى شمس الخلا وبلد عقارب الصيف..
......
اهلى الفى النجم مرفوع مكانهن كيف..
كرمهم بنزل مطر دفاق وماهو خفيف..
كان يوم لازمن او مره جاهن ضيف..
اكفو ضبح نياق كرمنا قسم رديف..
.......
اهلى جساره اهلى النخوه سوها عباده..
اهلى مروه اهلى السمته فيهم عاده..
اهلى الجودهم كتر تب حير العداده..
ديل اولاد اصول حافظين قيم اجداده..
.......
اهلى البضبحو الناقله يوت والشاده..
واهلى النارهن ذى نار المجوس وقاده..
اهل المكرمه والعزه تب اسياده..
عز كباشى حر ماهم بكيرو حداده..
......
اهلى الموت بلجمو واسوو ليهو صريمه..
والكاس الكتال جابوهو جثه زميمه..
اهلى المنهن جفلت رؤوس ذات قيمه..
ديل المر بسوطو وديل بقابضو الشيمه..
.......
اهلى عزاز ومافينا البجول بنميمه..
اهلى فراسه مطحنه للبدور تعتيمه..
اهلى اهل المروه السمته فيهم شيمه..
ديل الفاقو حاتم كرم سكين بترعف ديمه..
.......
ود الديم
avatar
الشوالي
المدير العام
المدير العام

عدد المساهمات : 23
تاريخ التسجيل : 25/02/2011
العمر : 27

رد: مسدار الكبابيش ود الديم

مُساهمة من طرف الشوالي في الأربعاء ديسمبر 31, 2014 1:36 am

تسلم اناملك يا مبدع


_________________
غفلتي عن احساسي ليه والغفلة قالوا بتجني لوم
يا قمرة عزالك بشر اوعاكي تجني علي النجوم

ود الديم

عدد المساهمات : 4
تاريخ التسجيل : 27/12/2014

رد: مسدار الكبابيش ود الديم

مُساهمة من طرف ود الديم في الأربعاء ديسمبر 31, 2014 1:58 am

الله اكرمك اخوى الشوالى

سياد ام باعج الحقو النميم والشكره..
اهل البدرعو الفارغه وبنحرو البكره..
هاريهم يقج فى الحاره يوم الوكره..
شدعانا اشاوس وممسحين بالضكره..

    الوقت/التاريخ الآن هو الأحد نوفمبر 19, 2017 4:53 pm