مسدار ود الديم

رفيق البدخل الصى والمدن ياباهن..
مابنهزا بالدشرن بعيده مداهن..
بنات الجسر المن الكعب حاشاهن..
كان يبقى المخاص ود شينى مابوطاهن..
.......
الجو اتجاسرو لى حرمت العطويه..
مابوطوها بت الفى المخاص دغريه..
مو كان سته كان ديشا بكابس الميه..
ليها رجال بلوكو الجمره تب زنديه..
.....
بت المامشت لى فارغه ولا دسايس..
مابوطوها ناس فارغه وخمور ومرايس..
العطويه سيفهم فى المخايص عايس..
كم جزو الرؤوس كم دمروها دسايس..
......
بت المامشت للفارغه والمنكور..
مابوطوهو ود ناس الركوبهم تور..
اكان اتفسلتو ودار تجيدو الدور..
دابكم درتو موتكم ورميت العتمور..
.......
انحنا شرفنا عالى ومابتطيهو كلاب..
وانحنا جمرنا فى نص البحر علاب..
انحنا صغيرنا لى شرف الاسود سلاب..
وفى عند المخاص تب للشكر جلاب..
......
العكرنا فور دمنا اليحرانا..
والهيجنا اللحمل مخابى ازانا..
انحنا العزه قسموها لينا برانا..
القران حديثنا والرسول قرانا..
.......
اتواقعتو فى محنا كبار بتشل..
خفيفا اللى الفوارس وللكرام بيذل..
اكان كنت فارس وللحسام بتسل..
فرسان كنجرت يوروكا كيف بتول..
........
انحنا العزنا جقله وسعايت القوه..
نهبر عن قصد دايما نعيشا فتوه..
اتفاسلتو والمغسه بتشيل تتلوى..
عيل بتشوفو شيتا ذيو مابتسوى..
.......
بنعيد الزمان المنو وحشه تخاف..
وبنعيد النخاسه وهبرت الرجاف..
بنعيد الخبت الماهو مو جلاف..
نعيد قد اللضان والسرجه خلف خلاف..
........
ود الديم